Акцыя “Размаўляй са мной па-беларуску”
21.02.2023Вы паслухайце родную мову:
Жаўруковаю песняй звініць…
Колькі фарбаў, адценняў у слове!
Як пявуча ліецца-гучыць!
Лідзія Полазава
21 лютага ва ўсім свеце адзначаецца Дзень роднай мовы. Роднай — значыць, любімай, дарагой, самай-самай. Для нас родная мова – беларуская: прыгожая, мілагучная, непаўторная, пявучая. На працягу дня ў бібліятэцы праходзіла акцыя “Размаўляй са мной па-беларуску”. Супрацоўнікі бібліятэкі ў гэты дзень размаўлялі па-беларуску і стымулявалі чытачоў падтрымаць іх у гэтай акцыі. Кожны наведвальнік атрымаў ў падарунак стыкер “Размаўляй па-беларуску”.
З Міжнародным днём роднай мовы!
Любіце, паважайце родную мову, размаўляйце на ёй часцей! Няхай кожнае слова, якое гучыць на роднай мове, будзе добрым і шчырым!
Загадчыца бібліятэкі
Макарская С.Ф.